تامر حواس - لمسات
بابا جاي ع بالى اسافر ... ومالو يابابا فى دورة عندي بمكتبي الى انا مديرو فى مصر بس ملكاش علاقة فى الصحافة بس يلا مش مشكلة بتاخدلك دورة وانا بزبطك
ماش يابابا ... بدي 25 شيكل اشتري واكس واطلع انا وتوتى انطش باي
- وين يابرنس الليالى شوفلنا دورة ولا اي مشروع هان ولا هان للولد وتقلقش بالمعلوم
ولايهمك يازلمة .. اعتبر الولد مش اخد دورة اعتبر اشتغل ..
- مرحبا انا اسمى احمد جاي بخصوص الوظيفة الى انتو معلنين عنها معى 50 دورة وعندي خبرة بتغطى على بلد من كتر ما اتدربت وماجستير ومثقف كتير وبتحمل كل شي بتحب تشوف شغلى بس عندي مشكلة ...
وشو المشكلة ؟
ابويا عامل اسرائيل
ماشي سيب جوالك وحنا بنصل ... عن اذنك عندي اجتماع
الووووو ابو علام هات ابنك انوظفو يازلمة وهات شهادة البكالريوس تعت ابنك وتعال الوظيفة فاضية .... وهات معك الحلقوم
يا استاذ انا ابنى دبلوم ولسا ضايلو فصل ...
يا زلمة هاتو دبلوم دبلوم بنزبطو ... واحنا قلال ...
كثير من المؤسسات الاعلامية التى تمارس الفساد علنا ً ,, وربما يمارسونه أمامك على عينك يا تاجر .. من واسطات ومحسوبيه ورشاوي وتزبيط وشاي بالياسمين
مش عارف كتير فى براسي حكى عن الفساد وقلة حياء وقرف من مؤسسات اعلامية ,,, ولو بدي اكتب راح اضل للصبح بس الى بدي اوصلو احنا شباب بدنا نحارب الفساد ... وانشالله قريبا ..
ليست هناك تعليقات:
إرسال تعليق